Ish-ambasadori i Kosovës, Lulzim Peci përmes një postimi në Facebook, e ka komentuar ngjarjen e sotshme në Istog, ku mbeti i vrarë një i dyshuar dhe një polic i Kosovës.
Peci thotë se, Istogu sot përjetoj një ditë të rëndë dhe pikëlluese, pas vrasjes së policit të Kosovës Izet Demaj, i cili mbeti i vrarë duke i mbrojtur qytetarët në vijën e frontit të luftimit të krimit.
Ai thotë se kjo është alarm për ngritjen rapide të nivelit të krimit të dhunshëm dhe plaçkitjeve të armatosura.
Ja shkrimi i Lulzim Pecit:
Sot, Istogu dhe Kosova e perjetuan nje dite te rende dhe pikelluese.
Ngushellimet me te thella familjes dhe kolegeve te policit Izet Demaj, i cili dha jeten ne mbrojtjen qytetareve ne vijen e pare te frontit te luftimit te krimit te armatosur ne Istog
Vrasja e policit Demaj eshte alarm per ngritjen rapide te nivelit te krimit te dhunshem dhe rritjes se numrit te plackitjeve te armatosura, duke perfshire edhe ato te bankave ne Kosove.
Lavdi trimerise dhe perkushtimit ne mbrojtjen e rendit dhe ligjit te policit Izet Demaj.
