Bërnabiq mohon të ketë kërkuar tërheqjen e njohjes së Kosovës nga shtetet e OKB-së - Bota Sot
Bërnabiq mohon të ketë kërkuar tërheqjen e njohjes së Kosovës nga shtetet e OKB-së

Lajme

Bërnabiq mohon të ketë kërkuar tërheqjen e njohjes së Kosovës nga shtetet e OKB-së

Më: 30 dhjetor 2018 Në ora: 17:38
Kryeministrja e Serbisë, Ana Bërnabiq

Kryeministrja e Serbisë, Ana Bërnabiq, ka thënë se nuk ka kërkuar nga asnjë anëtarë i OKB-së tërheqjen e njohjes për Kosovën.

Kryeministrja e Serbisë, Ana Bërnabiq, ditë më parë i kishte dërguar kryeministrit të Shqipërisë Edi Rama një letër përmes së cilës i kërkonte rishqyrtimin e njohjes së Kosovës,

Mirëpo, gjatë ditës së sotme Bërnabiq, ka thënë se përmes atyre letrave nuk ka kërkuar tërheqjen e njohjes së pavarësisë së Kosovës, por siç është shprehur ajo, ka dëshiruar t’i njoftojë ata në lidhje me veprimet e “papërgjegjshme, të pamenduara dhe të rrezikshme të Prishtinës”.

Përmes kësaj, Bërnabiq ka tentuar t’i demantojë deklarimet e kryeministrit të Kosovës, Ramush Haradinaj, i cili ditë më parë kishte thënë se, ajo ka kërkuar nga anëtarët e OKB-së që të revokojnë njohjen e pavarësisë së Kosovës, raporton mediat serbe.

“Nuk u kam bërë thirrje shteteve anëtare të OKB-së të tërhequr njohjen e pavarësisë së Kosovës. Letrën për të cilën flet Haradinaj e ka dërguar më 16 nëntor pas ngritjes së taksës për 10 për qind. Në atë moment shumë transparent, ai ka qenë vendimi i Qeverisë që të njoftojmë shtetet anëtare të OKB-së në lidhje me veprimet e papërgjegjshme, të pamenduara dhe të rrezikshme të Prishtinës”, deklaroi Bërnabiq.

Sipas saj, përmes kësaj letre ka dashur t’i njoftojë shtetet që e kanë njohur pavarësinë e Kosovës dhe ato që nuk e kanë njohur me veprimet që kishte ndërmarrë qeveria e Kosovës.

Gjithashtu, në këtë letër Bërnabiq ka bërë të ditur se është përmendur edhe rasti i vrasjes së Oliver Ivanoviqit dhe ‘fakti se Kosova nuk e lejoi Serbinë që të ndihmonte në hetimin dhe se institucionet e kosovare nuk ndajnë informacione me Beogradin’.

Tutje, ajo ka bërë të ditur se në këtë letër është përmendur edhe arrestimi i Marko Gjuriqit, hyrja e njësitit të Policisë ROSU në veri të Mitrovicës si dhe kundërshtimin e marrëveshjeve nga ana e Kosovës, shkruan media serbe.

Ajo deklaroi se anëtarët e OKB-së i ka njoftuar se Kosova jo vetëm që nuk respektoi marrëveshjet ndërkombëtare, siç është marrëveshja e Brukselit dhe Rezoluta 1244, por edhe ligjet e saj dhe Kushtetutën.

“Unë vetëm i kam paraqitur faktet, argumentet dhe se vendimet e Kosovës komprometojnë paqen rajonale, stabilitetin dhe gjithçka që BE po përpiqet të arrijë përmes integrimit rajonal”, deklaroi më tutje Bërnabiq.

Ndryshe, kryeministri i Kosovës të premten e kaluar deklaroi se, është e papranueshme nga ana e Bashkimit Evropian që nuk reagoi në lidhje me letrën që Bërnabiq i kishte dërguar shteteve për tërheqjen e njohjes së pavarësisë së Kosovës. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...