Nënkryetari i Listës Serbe, Igor Simiq, ka thënë se heqja e taksës për mallrat serbe është vetëm një shpifje.
Ditë më parë në një prononcim për gazetën amerikane “The Washington Post”, presidenti i vendit Hashim Thaçi, kishte deklaruar se heqja e taksës ndaj produkteve dhe mallrave serbe mund të diskutohet nëse arrihet një marrëveshje paqësore me Serbinë.
Mirëpo, këtë gjë po e quan trillim nënkryetari i Listës Serbe, Igor Simiq.
Ai në një prononcim për mediat serbe, ka thënë se pikërisht është dora e djathtë e presidentit Hashim Thaçi, kreu i Kuvendit të Kosovës, Kadri Veseli, ai që ka propozuar që kjo taksë të jetë 100 për qind.
Sipas tij, kryeministri Ramush Haradinaj po mburret me vendimin që e ka marrë Qeveria e Kosovës mirëpo, siç u shpreh Simiq, Haradinaj kishte propozuar që kjo taksë të jetë 30 për qind.
Sipas tij, edhe Haradinaj po vazhdon të mburret publikisht për këtë vendim.