Presidenti i Rusisë Vladimir Putin, ka deklaruar se kanë dështuar përpjekjet e vendosjes së botës njëpolare dhe që baraspesha në raportet ndërkombëtare ngadalë po kthehet dhe si shembull të veprimit të një qendre të forcës ka përmendur bombardimin e ish-Jugosllavisë
–“Kjo është e paevitueshme. Kanë dështuar përpjekjet që të krijohet bota njëpolare. Tash po jetojmë në një stinë tjetër. Rusia gjithnjë do të insistoj në këtë që paralel me mbrojtjen e interesave vetjake, duhet të respektojmë edhe interesat e tjerëve. Kështu do të ndërtojmë raporte me kolegët”, ka thënë presidenti i Rusisë në intervistën për televizionin NTV, transmeton "Bota sot".
Putin ka komentuar faktin se perëndimi shpesh ka mbetur i shurdhër në qëndrimin e Moskës në konfliktet ushtarake, për shembull gjatë siç e quan ky medium “bombardimit të paligjshëm të Jugosllavisë nga ana e NATO-së në vitin 1999” dhe operacioneve ushtarake të Aleancës veriperëndimore në Bosnje dhe Hercegovinë në vitin 1995.
– “përgjigja është e thjeshtë: kanë dëgjuar vetëm zërat e fortë… Situata ka ndryshuar. Mendoj se për askënd nuk është më sekret se shumë partner tanë tash me më shumë dëshirë i ikin respektimit të së drejtës ndërkombëtare sepse po vendoset baraspesha në botë”, ka thënë Putin.