Haradinaj: Kosova po ecë sigurt drejt pavarësisë energjetike

Lajme

Haradinaj: Kosova po ecë sigurt drejt pavarësisë energjetike

Nga: Z.B Më: 26 janar 2019 Në ora: 11:01
Ramush Haradinaj

Kryeministri i Kosovës, Ramush Haradinaj përmes një postimi në rrjetin social Facebook, ka shkruar se Kosova po ecë sigurt drejt pavarësisë së plotë dhe qëndrueshmërisë energjetike, përcjell Bota Sot.

Ai tha se Çertifikimi nga Sekretariati i Komunitetit te Energjise ka rëndësi për njohjen e KOSTT si Operator i Sistemit Transmetues nga Rrjeti Europian i Operatorëve të Sistemit Transmetues të Energjisë Elektrike, si një ndër parakushtet themelore për anëtarësim në ENTSO-E, dhe institucionet tjera europiane, që do t’i mundësonte operim të pavaruar nga Serbia. 

Postimi i plotë:

Kosova po ecë sigurt drejt pavarësisë së plotë dhe qëndrueshmërisë energjetike.

I çertifikuar më parë me tri standarde ndërkombëtare të cilësisë, Operatori i Sistemit, Transmisionit dhe Tregut të Energjisë në Kosovë (KOSTT), është çertifikuar nga Energy Community Regulatory Board (ECRB), dhe tash e tutje KOSTT-it do t’i njihen ndërkombëtarisht të gjitha asetet me të cilat disponon. 

Çertifikimi nga Sekretariati i Komunitetit te Energjise ka rëndësi për njohjen e KOSTT si Operator i Sistemit Transmetues nga Rrjeti Europian i Operatorëve të Sistemit Transmetues të Energjisë Elektrike, si një ndër parakushtet themelore për anëtarësim në ENTSO-E, dhe institucionet tjera europiane, që do t’i mundësonte operim të pavaruar nga Serbia. 

Përgëzime për këtë lajm fantastik për Kosovën, stafit menaxhues të këtij mekanizmi të rëndësishëm si dhe qytetarëve të vendit.

RH

commentFirst article
Sot mund të lexoni Shfletoni kopertinat