Pas përleshjes në Kuvendin e Preshevës mes dr. Skender Destanit dhe Shqiperim Arifit, në mesin e vitit të kaluar, përleshje e radhës fizike ka ndodhur në mes të Shaip Kamberit dhe një mjeku.
Administrata komunale, respektivisht zyra e kryetarit të komunës së Bujanocit është shndërruar në arenë boksi.
Një përleshje fizike ka ndodhur mes një mjeku shqiptar dhe kryetarit Shaip Kamberi në zyrën e këtij të fundit, duke u grushtuar dhe përdorur fyerje ndaj njëri tjetrit, shkruan Presheva Jonë.
Shkak i kësaj përleshje fizike mësohet të ketë qenë konkursi i fundit për pranim të mjekëve në Shtëpinë e Shëndetit në Bujanoc.
Përkundër premtimeve të pushtetit se çdo mjek shqiptar do të punësohet, si duket kjo nuk ka vlejt edhe për mjekun, emër i njohur.
Mos përmbushja e premtimeve elektorale po sjell nervozizëm të shumtë te qytetarët, e njëra ndër to është edhe ky rast.
Ju kujtojmë se kjo është hera e parë në historinë e komunës së Bujanocit që ndodhë përleshja fizike mes palëve dhe kryetarit të komunës. Një hallakamë tille kishte ndodhur edhe në Preshevë. Në seancën e fundit të Kuvendit komunal, kishte pasur një përleshje gati fizike ndërmjet kryetarit të komunës së Preshevës Shqiprim Arifi dhe kryetarit të BDL-së, Skender Destani.
Debati filloi të nxehet që në momentin kur kryetari i komunës ishte në foltore dhe Destani filloi që të përgjigjet nga vendi ku ishte ulur. Debati ishte bërë edhe më i ashpër kur Skender Destani i provokuar u përpoq t’a sulmojë fizikisht kryetarin Arifi.
