Edhe punëtorët e e Radio Televizionit të Kosovës protestojnë nesër nga ora 10:00, para Kuvendit të Kosovës.
Këtë e ka bërë të ditur Sindikata e Punëtorëve e RTK-së, ku ka njoftuar të gjithë kolegët që nesër të dalin në protestë, përcjell Bota Sot.
Punëtorët e televizionit publik po kërkojnë heqjen e RTK-së nga ligji për paga.
Njoftimi i Sindikatës:
“Sindikata e Punëtorëve e RTK-së njofton të gjithë kolegët e RTK-së se nesër, duke filluar nga ora 10:00, protestojmë sërish para Kuvendit të Kosovës për heqjen e RTK-së nga ligji për pagat. Siç edhe e dini, ky ligj pritet të miratohet nesër në Kuvend”.
Sindikata ka falënderuar punëtorët dhe i ka ditur për mbështetje.
Sindikata e Punëtorëve e RTK-së falënderon të gjithë kolegët e RTK-së, po ashtu Shoqatën Sindikale të Radio Kosovës, për mbështetje. Falë bashkëpunimit dhe protestës ne arritëm ta ndalnim votimin i cili do ta përfshinte RTK-në në ligjin për pagat në Komision për Media. SPERTK ju fton edhe nesër të na mbështetni në protestë në orën 10:00 para Kuvendit të Kosovës. Së bashku do t`i arrijmë qëllimet tona dhe do ta mbrojmë RTK-në nga çdo tendencë që vjen nga grupet politike”, përfundon njoftimi i Sindikaës së Punëtorëve të RTK-së