Ambasadori amerikan në Serbi, Kail Skot, ka theksuar se, “Uashingtoni angazhohet për vazhdimin e dialogut gjë që është potencuar edhe në letrën e përbashkët me ambasadorin në Prishtinë Filip Kosnet” , duke shtuar se është e nevojshme heqjen e taksave, shkruan “Telegraf”, transmeton “Bota Sot”.
Skot është takuar sot me ministren e integrimeve evropiane Jadranka Joksimoviç me të cilën është biseduar për aktivitetet në raport me integrimet evropiane të Serbisë, efektet, dinamikën dhe realizimin e reformave, sikurse edhe për situatën në regjion, raportet bilateral mes dy shteteve dhe temat tjera.
Joksimoviç ka informuar ambasadorin për planet e punës në rrugën euro atlantike dhe prioritetet e politikës së jashtme të Serbisë, duke shprehur bindjen se gjatë kryesimit të Rumanisë me Këshillin e BE-së, do të bëhet hapja e kapitujve tjerë.
Ambasadori Skot, nënvizoi mbështetjen e fuqishme të ShBA-ve për procesin e integrimeve evropiane të Serbisë.
Bashkëbiseduesit janë pajtuar që Serbia ka arritur përparim në procesin integrues, por edhe punën që duhet bërë në vazhdimin e përmbushjes së kritereve për anëtarësim të plotë në BE siç janë sundimi i ligjit, efikasiteti i gjyqësisë dhe lufta kundër korrupsionit.
Beogradi është i përcaktuar për gjetjen e zgjidhjes së qëndrueshme dhe dialogun me Prishtinën, ai do të vazhdojë kur të hiqen taksat e njëanshme ndaj mallrave serbe tha Jakosimoviç duke shtuar se disa vende të regjionit nuk kontribuojnë në stabilitet në regjion..
Skot ka thënë se Serbia është partner me rëndësi i ShBA-ve dhe faktor i stabilitetit dhe sigurisë. Uashingtoni angazhohet për vazhdimin e dialogut gjë që është potencuar me letrën e përbashkët me ambasadorin Kosnet për heqjen e taksave. Skot trimëroi Serbinë në vazhdimin e kontributit për stabilitet.
Joksimoviç dhe Skot vlerësuan se raportet mes dy shteteve janë të sinqerta dhe të mira me mundësi të zhvillimi të mëtutjeshëm.