Ministri i Tregtisë dhe Industrisë Endrit Shala, përmes një postim në Facebook ka bërë të qartë se, pas ankesave të shumta nga ana e konsumatorëve, mediave dhe institucioneve tjera relevante të Republikës së Kosovës sot kam ndryshuar nenin 4 par.3, të Udhëzimit Administrativ Nr. 20/2018 Për caktimin e formës, përmbajtjes dhe përdorimit të flamurit mbi origjinën e produktit.
Ai ka shkraur se, me këtë ndryshim më nuk lejohet që produktet të cilat shiten në tregun e Kosovës ti vendosin flamujt në bazë të barkodit, por në bazë të vendit të origjinës.
Postimi i plotë:
Të nderuar,
Pas ankesave të shumta nga ana e konsumatorëve, mediave dhe institucioneve tjera relevante të Republikës së Kosovës sot kam ndryshuar nenin 4 par.3, të Udhëzimit Administrativ Nr. 20/2018 Për caktimin e formës, përmbajtjes dhe përdorimit të flamurit mbi origjinën e produktit.
Me këtë ndryshim më nuk lejohet që produktet të cilat shiten në tregun e Kosovës ti vendosin flamujt në bazë të barkodit, por në bazë të vendit të origjinës / prodhimit (deri më tash ka pas raste të raportuara ku flamuri i origjinës është vendosur në bazë të barkodit, por që nuk ka qenë në përputhje me vendin e origjinës se ku është prodhuar ai produkt).
Ky plotësim ndryshim i U.A është bërë për ta qartësuar dhe eliminuar çdo mundësi të manipulimit me vendosjen flamujve afër çmimit të produktit.
E.SH
