Vuçiqi nis hakmarrjen për taksën

Lajme

Vuçiqi nis hakmarrjen për taksën

Më: 22 shkurt 2019 Në ora: 15:48
Aleksandar Vuçiq

Presidenti i Serbisë, Aleksandar Vuçiq thotë se shqiptarët dëshirojnë të përfshijnë numër sa më të madh të serbëve nga Anamorave në Ushtriën e Kosovës dhe i ka ftuar ata që mos t’i përgjigjen kësaj ftese.

Ai kështu ka thënë pas bisedave në Rashkë me zyrtarët e Listës Serbe.

“Tash po mbahet konkursi për ushtrinë kosovare, respektivisht atë shqiptare dhe për këtë po insistojnë në Anamorave, në fshatrat serbe, nga Kusca e Epërme deri në Novo Bërdë, deri te Pasjani, Parteshi, Budriga dhe vendbanime tjera. Dëshirojnë të mbledhin sa më shumë serbë për Ushtrinë e Kosovës”, ka thënë Vuçiq.

Ai thotë se i ka lutur serbët që mos të bëhen pjesëtarë në ushtrinë shqiptare në Kosovë.

“Të shohim se a do t’i përgjigjen apo jo kësaj ftese”, ka shtuar ai.

Sipas tij, për herë të parë ka dëgjuar nga njerëzit nga Shtërpca dhe Graçanica se gjithnjë e më shumë po kanë probleme me furnizime nga Serbia.

“Probleme po kanë edhe serbët në veri, pasi që shqiptarët e kanë organizuar policinë kufitare që të kontrollojnë se si ka ardhur malli dhe po ua marrin. Puna jonë është që të luftojnë që njerëzit të mbijetojnë”, ka thënë ai.

commentFirst article
Sot mund të lexoni Shfletoni kopertinat