Partia Demokratike e Serbisë (PDS) ka bërë të ditur se nga kryetari i Serbisë Aleksandar Vucic dhe ministri i punëve të jashtme e nënkryetar i qeverisë Ivica Dacic të deklarohen për vërtetësinë e lajmit mbi planin për ndarjen e Kosovës, i cili ditëve të fundit po paraqitet në shtyp.
Në kumtesën e transmetuar nga mediet serbe të kësaj partie opozitare serbe, thuhet se në shumë mjete vendore të informimit është botuar lajmi se ShBA-të, Franca e Rusia janë dakorduar për një plan për ndarjen e Kosovës, duke cituar edhe detaje të atij plani të supozuar.
PDS e konsideron “skajshmërisht të pakuptimtë propozimin e ndarjes së Serbisë dhe njohjen e secesionit të Kosovës” dhe shton se, ndonëse ky mund të jetë vetëm ‘balon provues’, “ky lajm e ka shqetësuar publikun serb, sidomos serbët në Kosovë”.
Kryetari i Serbisë në ndërkohë ka mohuar të ekzistojë çfarëdo marrëveshjeje për ndryshimin e kufijve më Kosovën.
Partia Demokratike e Serbisë është ndarë në vitin 1992 nga Partia Demokratike, ndërsa kryetar i saj i parë ka qenë Vojislav Kostunica.
