Gjykata Themelore në Prizren, departamenti i krimeve të rënda ia ndërroi masën e paraburgimit, të cilën e kishte deri më tani me masën e detyrimit të paraqitjes në polici.
Prokurori i Prokuorisë Themelore në Prizren, Petrit Kryeziu, ka thënë se ligjërisht, veprat për të cilat akuzohet Burdushi nuk mund ta mbajnë atë në paraburgim më shumë se 4 muaj pa ngritje të aktakuzës.
Ai ka bërë të ditur se është kërkuar që t’i konfiskohet edhe pasaporta e udhëtimit.
Burdushi me 25 shkurt kishte tentuar të vetëvritej, përmes çarçafit të lidhur në mbajtësen e telefonit. Ai kishte kërkuar pikërisht përshpejtim procedurash nga gjyqësori, duke u liruar nga paraburgimi dhe zëvendësimi i masës me detyrim paraqitje në polici.
