MASHT-i i jep ultimatum SBASHK-ut deri të shtunën të reflektojë për orët e humbura

Lajme

MASHT-i i jep ultimatum SBASHK-ut deri të shtunën të reflektojë për orët e humbura

Më: 18 mars 2019 Në ora: 23:08
Foto

Gashi ka thënë se vendimi i MASHT për zëvendësimin e orëve ka qenë në koordinim me drejtoritë komunale të arsimit.

Ai ka thënë se Ministria e Arsimit dhe Drejtoritë Komunale të Arsimit janë përgjegjëse për zhvillimin arsimit në Kosovë dhe sipas tij për këtë shkak nuk ka qenë e arsyeshme që në këto takime të ftohen edhe përfaqësuesit e SBASHK-ut.

“Nuk kemi hartuar politika për arsimin para universitar që të përfshijmë edhe ekspertizën e SHBASHK-ut”, tha ai në RTV Dukagjini.

Këshilltari politik i Ministrit të Arsimit ka thënë se vendimi i MASHT-it për zëvendësimin e orëve mësimore, sipas planit 5+5+5, është në fuqi dhe ai mbetet për t’u zbatuar.

“Ne presim gjatë kësaj jave reflektim nga ana e SBASHK-ut për të mos u dëmtuar nxënësit dhe për të zëvendësuar orët e humbura. Komunat dhe shkollat e kanë një lloj lirie që të vendosin cilat të shtuna do t’i zëvendësojnë orët e humbura mësimore”, tha  Gashi.

commentFirst article
Sot mund të lexoni Shfletoni kopertinat