Bërnabiq: Sulmet e NATO-s nuk ishin gabim i Serbisë - Bota Sot
Bërnabiq: Sulmet e NATO-s nuk ishin gabim i Serbisë

Lajme

Bërnabiq: Sulmet e NATO-s nuk ishin gabim i Serbisë

Më: 22 mars 2019 Në ora: 12:52
Ana Bërnabiq

Kryeministrja e Serbisë, Ana Bërnabiq tha se Serbia është e vetëdijshme për gabimet e saja në të kaluarën por bombardimi i NATO-s në vitin 1999, ka qenë gabim i të tjerëve dhe jo i qytetarëve të Serbisë.

Në një konferencë për media, në 20 vjetorin e intervenimit ushtarak të NATO-s në Jugosllavinë e atëhershme, kryeministrja Bërnabiq tha se Serbia nuk duhet të harrojë viktimat e sulmeve, fabrikat dhe urat e shkatërruara, por duhet të provojë të falë pasi, sipas saj, kjo është e vetmja rrugë për të realizuar potencialin e saj dhe për t’u kthyer kah e ardhmja dhe bashkëpunimi.

Kryeministrja Bërnabiq tha se për 20 vitet e fundit “po përpiqemi të marrim një përgjigje në pyetjen se si një vend i vogël është bërë një kundërshtar i madh i vendeve më të fuqishme”.

Bërnabiq duke kujtuar ngjarjet e 20 viteve më parë, tha gjithashtu se ende nuk ka një përgjigje, se cilat janë arsyet e që një vend sovran, mund të sulmohet pa një vendim të Këshillit të Sigurimit të OKB-së.

Më 24 mars të vitit 1999, Aleanca Veriatlantike filloi bombardimet ndaj caqeve të ushtrisë dhe policisë serbe në ish-Jugosllavi.

Pas bombardimeve që zgjatën 78 ditë, u krijuan kushtet për kthimin e shpejtë të rreth 1 milion shqiptarëve të Kosovës, të cilët autoritetet serbe i kishin dëbuar me dhunë në Maqedoni dhe Shqipëri, si dhe në vendet tjera të botës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...