Ministri serb i Mbrojtjes Aleksandar Vulin falënderoi ambasadorin rus në Beograd Alexander Chepurin për mbështetjen e Federatës Ruse për integritetin territorial të Serbisë dhe përpjekjet për të gjetur një zgjidhje kompromisi për Kosovën.
Vulin vlerësoi se situata në Kosovë është e ndjeshme dhe e vështirëson vazhdimin e dialogut midis Beogradit dhe Prishtinës, ndërsa ushtria e Kosovës “shkakton probleme serioze të sigurisë për të gjithë rajonin” dhe theksoi se Serbia do të sillet me përgjegjësi.