(E plotësuar) - Sindikata e Bashkuar e Arsimit, Shkencës dhe Kulturës është mbledhur sot për të diskutuar lidhur me zhvillimet e fundit në arsim.
Ata kanë thënë se sot do të vendoset për një sërë çështjesh, ku si temë kryesore është mundësia për grevë të re.
Sipas komunikatës së SBASHK-ut, sot do të analizohet nëse ka presione ndaj mësimdhënësve për të kompensuar orët. Ata thonë se nëse rezulton se ka presion në shumicën e komunave, mund të ketë grevë të re.
“SBASHK-u të hënën ka ftuar Kryesin e SBASHK-ut dhe kryetarët e sindikatave komunale të arsimit parauniversitar të të gjitha komunave me qëllim që të analizojë se si është situata gjatë pushimit pranveror dhe a ka presione ndaj anëtarësisë dhe varësisht nga informatat që marrim edhe do të marrim veprime sindikale duke mos përjashtuar edhe shpalljen e grevës në komunat ku ka presione e nëse presione do të ketë në shumicën e komunave do të shkohet në grevë të përgjithshme në nivel vendi”, thuhet në komunikatë.
Ndërkohë, potencohet se SBASHK ka vendosur që të mos ketë kompensim të orëve të humbura javë më parë as gjatë këtij pushimi pranveror.
SBAShK sot takim me kryesinë, vendos nëse do të ketë greva
Sindikata e Bashkuar e Arsimit, Shkencës dhe Kulturës e Kosovës ka ftuar sot kryesinë e saj dhe kryetarët e sindikatave komunale të arsimit parauniversitar të të gjitha komunave, me qëllim që të analizojë se si është situata gjatë pushimit pranveror dhe a ka presione ndaj anëtarësisë për mbajtjen e orëve të humbura.
SBAShK thotë se nuk do të mbahen orët e humbura as gjatë pushimit pranveror dhe as vikendeve. Ndërsa, në takimin e sotëm, varësisht nga informatat që marrin, do të marrin veprime sindikale duke mos përjashtuar edhe shpalljen e grevës në komunat ku ka presione.
“E nëse presione do të ketë në shumicën e komunave do të shkohet në grevë të përgjithshme në nivel vendi”, thuhet në komunikatën e SBASHK.
