Ish-ministri serb: Serbia jashtë BE-së derisa ta njohë Kosovën - Bota Sot
Ish-ministri serb: Serbia jashtë BE-së derisa ta njohë Kosovën

Lajme

Ish-ministri serb: Serbia jashtë BE-së derisa ta njohë Kosovën

Më: 7 prill 2019 Në ora: 22:22
Foto ilustruese

Në pyetjen specifike "A jeni për pranimin e Serbisë në BE", nga bartësit e 12 partive politike në Francë që konkurrojnë për Parlamentin e ri Evropian që zgjidhet më 26 maj, madje nëntë votuan kundër.

Debati i kryer në kuadër të fushatës parazgjedhore në televizionin kombëtar France 2, tregoi se deri në vitin 2025 vetëm kandidati i Partisë Socialiste, si dhe një përfaqësues i partisë së qendrës, Bashkimi i Demokratëve dhe të Pavarurit e shohin Serbinë në BE, derisa një mbajtës i një liste tjetër abstenoi.

Kandidatja e partisë në pushtet, Loiseau përsëriti atë që ajo tha kur vizitoi Beogradin një muaj e gjysmë më parë - se ne kultivojnë shpresa të rreme.

Kur një qëndrim të tillë vjen nga kandidatët për PE nga Franca, e dyta për nga fuqia në BE-së, presidenti i së cilës Emmanuel Macron qëkur është zgjedhur nuk ka lënë vetëm kancelaren Angela Merkel përgjegjëse për udhëheqjen e Bashkimit, ajo ka peshë shtesë.

Sipas mediave serbe, ky është kjo një sinjal i qartë se përbërja e re e Parlamentit Evropian do të jetë edhe më e pafavorshme për Serbinë në drejtim të zgjerimit, pasi do të ketë rritje të euroskeptikëve që shprehen kundër zgjerimit të BE-së.

Ish-ministri i Jashtëm serb Vladislav Jovanoviq thotë se Serbia duhet të përcaktohet sipas rrethanave që do të ndodhin, jo përpara pritjeve të anëtarëve të ri të Parlamentit Evropian.

"Cilido qoftë parlament, të gjithë do të na kërkojnë  kapitullimin praktik që ta njohim Kosovën. Pa këtë, nuk kemi mundësi të hyjmë dhe duhet ta kemi të qartë se ky është një kusht absolut dhe nuk presim ndonjë bekim nga qielli dhe një surprizë e mirë ", shprehet Jovanoviq.

Ai thekson se derisa Serbia të mos sqarojë raportin e saj ndaj Kosovës dhe të pajtohet me kushtet e Perëndimit, Beogradi zyrtar do të jetë larg BE-së.

Në këtë rast, Jovanoviq thotë se Serbia duhet të pranojë atë që i kërkohet-  njohjen praktike të Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...