Serbët e veriut nuk dalin në zgjedhje pa lejen e Vuçiqit

Lajme

Serbët e veriut nuk dalin në zgjedhje pa lejen e Vuçiqit

Më: 9 prill 2019 Në ora: 08:24
Ilustrim

Të mërkurën, përfaqësuesit e Listës Serbe do të udhëtojnë për në Beograd, ku do të takohen edhe me Vuçiqin. Mediat në Serbi kanë raportuar se në këtë takim do të merret edhe qëndrimi përkitazi me datën e shpalljes së zgjedhjeve nga presidenti Thaçi, shkruan sot Koha Ditore.

Në fund të nëntorit të vjetëm, kryetari i Mitrovicës veriore, ai i Leposaviqit, ai i Zveçanit dhe kryetari i Zubin-Potokut deklaruan dorëheqjet, si shenjë pakënaqësie ndaj taksës në shkallë 100 për qind që Qeveria ka vënë për produktet me origjinë nga Serbia, si dhe për arrestimet e serbëve të dyshuar për vrasjen e Oliver Ivanoviqit. Ata patën deklaruar edhe shkëputjen e komunikimit me institucionet e Kosovës. E, në letrat e dorëheqjes që i kanë deponuar në Ministrinë e Administrimit të Pushtetit Lokal, Kosovës i janë referuar me “Kosovë e Metohi”, emërtim që Serbia e përdor për shtetin të cilin e konsideron krahinë të veten.

Pikërisht ky emërtim që kanë përdorur, ka shërbyer si justifikim në Qeveri që dorëheqjet të mos konsiderohen të rregullta e për pasojë nuk janë ndërmarrë deri tash veprime që do t’i hapnin rrugë zgjedhjeve të parakohshme për kryetarë në të katër komunat.

commentFirst article
Sot mund të lexoni Shfletoni kopertinat