Ilir Zeqiri është personi i cili u dogj brenda veturës së tij në Prekazin e Epërm.
Ish-kryetari i Skenderajt, Sami Lushtaku ka shprehur ngushëllime për personin i cili ndërroi jetë tragjikisht në makinë gjatë natës së mbrëmshme.
Lushtaku thotë se ky është lajm tragjik, derisa ka kujtuar se Ilir Zeqiri ishte nga fshati Kopiliq i Poshtëm i Skenderajt.
Lushtaku thotë se Zeqiri ishte veteran i luftës dhe vëlla i një dëshmori.
“Është tragjik lajmi i vdekjes së Ilir Zeqirit nga Kopiliqi i Poshtëm i Skenderajt.
Ai ishte veteran i luftës dhe vëlla dëshmori. Për shumë vite punoi ndershëm për ta siguruar bukën e gojës për familjen e tij, ku edhe vdiq aksidentalisht.
Ngushëllimet më të sinqerta nga ana ime për familjen Zeqiri!”, shkruan Lushtaku në Facebook, transmeton gazeta “Bota sot”.
