“Është e drejte e tyre për ta shtrirë aktivitetin e tyre edhe në Shqipëri. Projekti i bashkimit kërkon vullnetin, gatishmërinë. Lëvizja Vetëvendosje me këtë hapje të qendrës se saj ka vendosur themelet e asaj që do të shërbejë si bazë për partinë politike. Pretendimet e tyre se kjo nuk nënkupton fillimin e partisë politike duhet të merren me rezerva”.
“Vetëvendosja e sheh shoqërinë të ndarë në dy grupe, në elitën e korruptuar dhe popullin. Elita ka qenë kryesisht ajo që e ka penguar bashkimin e shqiptarëve, mirëpo ligjërimi i VV-së për bashkimin nuk ka ekzistuar prej fillimit. Më 2008 me shpalljen e pavarësisë së Kosovës Vetëvendosjes i është dashur një kauzë e re. Ajo ka qenë partia e vetme që e promovonte bashkimin kombëtar dhe kjo e bëri ndryshe nga partitë tjera”.
“Tani po mundohet të shtrihet edhe në Shqipëri. Dëshiron të bëhet forcë për konsensusin e bashkimit të Kosovës me Shqipërinë. Më parë atje ishin partia Balli Kombëtar dhe Aleanca Kuq e Zi që në planprogram e kishin bashkimin, por kanë dështuar”.
“Forca e saj në Shqipëri konsideroj se do të jetë shumë më e vogël se në Kosovë”.
Nga gjithë njohës konsiderohet si parti populiste. Fakti që Vetëvendosje i kundërshton dhe denoncon gjithë partitë tjera politike nuk është resurs i mjaftueshëm për demokratizim të një vendi”.
“Të gjeturat e institutit RIDEA, ku thuhet se 49 përqind ishin kundër bashkimit kombëtar, më befasoi. Janë krijuar dallimet e mëdha mes Kosovës dhe Shqipërisë”.
“Kosovarizmi çdo ditë e më shumë po konstituohet. E kemi shembullin e sportit ku ekipi ynë i futbollit po përkrahet mjaft”.
“Te deklaratat e Ramës dhe Thaçit shihet një paradigme e lëkundur në lidhje me lëvizjen e kufijve. Kurti mund ta mendojë veten si kandidat potencial për president kombëtar, madje edhe deklaratat e Thaçit, si p.sh. në mitingun e diasporës në Tiranë, ku ai aty fliste si president mbarëkombëtar”.
“Ka një momentum të ri në premisa etnike shqiptare i cili po e sfidon besojmën e vjetër se projekti multietnik është projekt që do të ndiqet nga të gjithë”, ka deklaruar Ramadani në Klan Kosova.