Ish-eprori i lartë i Ushtrisë Çlirimtare të Kosovës, Naim Miftari, përmes një shkrimi në Facebook, thotë se vrasja e Ilir Konushevcit dhe Hazir Malës, i hapi rrugë Klanit multimilonësh të Rognerit që të përfitojnë nga biznesi multimilionësh i shitjeve të armëve.
Miftari, shkruan se, Fatmir Haklaj ishte i vetmi që seriozisht gjurmoi dhe u hakmor deri dikund për vrasjen e njeriut kryesor të furnizimit me armë të UÇK-së të Ilir Konushevcit dhe Hazir Malës.
Ai shton se, kjo vrasje e dëmtoi shumë Ushtrisë Çlirimtare të Kosovës.
Ja postimi i plotë:
Vrasja e Ilir Konushevcit dhe Hazir Malës i hapi rrugën Klanit multimilonësh të Rognerit
Fatmir Haklaj ishte i vetmi njeri që seriozisht gjurmoj dhe u hakmor deri dikund për vrasjen e njeriut kryesor të furnizimeve me armë të UÇK, komandant Mërgimit, Ilir Konushevcit dhe mjekut Hazir Malen të vrarë në priten e 8-9 majit 1998 afër fshatit Miliskaj.
Kjo vrasje dëmtoj shumë rënd UÇK dhe urdhëruesit e asaj vrasje në prit nuk u zbuluan kurrë, por fort besoj... se urdhëruesit e asaj vrasje dhe atyre vrasjeve pasi nuk janë vrasje të vetmet i kemi sot në pushtet dhe parlament tonë.!
Pas kësaj vrasje të porositur furnizimi i UÇK me armë u bë biznes multi-milionësh nga profiterët e luftës sidomos nga klani i Rognerit!
