Selakoviq fton serbët nga Kosova që të votojnë për Listën Serbe - Bota Sot
Selakoviq fton serbët nga Kosova që të votojnë për Listën Serbe

Lajme

Selakoviq fton serbët nga Kosova që të votojnë për Listën Serbe

Më: 14 maj 2019 Në ora: 11:03
Nikolla Selakoviq

Nikolla Selakoviq, sekretar i përgjithshëm i presidentit serb, Aleksandar Vuçiq ka ftuar serbët nga katër komunat në veri të Kosovës që të dalin dhe votojnë në zgjedhjet e 19 majit për Listën Serbe.

Sipas tij, me ndihmën e shtetit të Serbisë në mënyrën më të mirë mund të mbrohen interesat serbe.

Selakovq i tha TV Pink se “nuk ka gjëra që Prishtina nuk u përpoq të bënte për të penguar që Lista Serbe të garonte me përfaqësuesit e saj në këto zgjedhje, por ajo arriti të ruante identitetin e saj”.

Në zgjedhjet e së dielës në veri pos Listës Serbe garojnë edhe dy parti shqiptare, Partia Demokratike e Kosovës dhe Lëvizja Vetëvendosje, transmeton Klan Kosova.

Në zgjedhjet e jashtëzakonshme të 19 majit votohet për kryetar të Mitrovicës së Veriut, Leposaviqit, Zubin Potokut dhe Zveçanit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...