Drejtori i (të ashtuquajturës) Zyrë për Kosovë në qeverinë e Serbisë Marko Gjuriq, ka vlerësuar sonte se “Rezoluta e parlamentit të Prishtinës për kinse gjenocidin e Serbisë në Kosovë është dokument shpifës dhe fryt u panikut të atyre që po përballen me akuza për krime të veta, shkruan “Beta”, transmeton “Bota Sot”.
"Ky pamflet propagandues përcakton të vërtetën rreth asaj kush ka nis fushatën e terrorit dhe krimeve ndaj civilëve në Kosovë dhe do duhej të shërbente si ‘fletë fiqi’ me të cilën kriminelët e vërtetë tentojnë të fshehin marren e vetë dhe përgjegjësinë për krimet e kryera ", ka thënë Gjuriq në deklarëtn e shkruar.
Ai ka nënvizuar se shumë nga ata që ndërtojnë konstruktin për kinse gjenocidin ndaj shqiptarëve “ edhe vetë bartin gjurmë të gjakut të viktimave serbe dhe secila përmendje e gjenocidit në Kosovë me gjasë bënë jehonë në ndërdijën dhe ndërgjegjes së papastër të tyre".
Gjuriq ka theksuar se i ashtuquajturi projekt shtet-formues në përgjithësi është themeluar në idenë e pastrimit etnik të territorit dhe dëbimin e të gjithë atyre që ju gjenden në rrugë " të realizimit të ëndrrës së Shqipërisë së Madhe, por ajo ëndërr jam i sigurt do përfundoj në qelitë e burgut ".
"Bota e civilizuar nuk është e gatshme të jetë pjesëmarrëse e heshtjes së krimeve të tyre, dhe momenti kur do të lehen vetvetes dhe fajësisë së vetë dhe marres është shumë afër ", theksoi Gjuriq.
