Parashikimi i frikshëm i amerikanëve: Ky mot e pret Evropën gjatë verës - Bota Sot
Parashikimi i frikshëm i amerikanëve: Ky mot e pret Evropën gjatë verës

Lajme

Parashikimi i frikshëm i amerikanëve: Ky mot e pret Evropën gjatë verës

Nga: A.ZH Më: 26 maj 2019 Në ora: 13:44
«AccuWeather» ka ilustruar në një hartë të Evropës, çfarë lloj moti të verës duhet të pritet.

Një shërbim amerikan i motit, ka publikuar parashikimin e tij për motin për muajt e ardhshëm. Parashikimi premton edhe më shumë nxehtësi për Evropën se sa vitin e kaluar.

2018-ta ishte viti më i ngrohtë që nga fillimi i matjes së temperaturave në Zvicër në veri të Alpeve në 1864. Deri në nëntor, temperaturat ishin shumë të larta gjatë gjithë muajve.

Sipas parashikimeve të shërbimit të motit në SHBA "AccuWeather", ky vit do të jetë edhe më i thatë dhe madje edhe më i nxehtë në shumë pjesë të Evropës, shkruan “20minuten”, përcjell Bota sot.

Sipas një hartë meteorologjike të publikuar në faqen e internetit, Zvicra qëndron në mes të një zone me rrezik të lartë për zjarret në pyje dhe periudhave të gjata të nxehtësisë.

Evropa pret periudha të gjata moti të thatë. Thatësira e madhe do të thotë dështim i madh në kultura bujqësore, sepse shiu do të jetë i pakët, shkruan meteorologu i AccuWeather, Eric Leister.

I këndshëm në veri

Edhe "valët e rrezikshme të nxehtësisë" më shumë se vitin e kaluar ka të ngjarë të shtrihen gjatë muajve të verës nga Portugalia në perëndim në Poloni dhe Hungari në lindje. Temperaturat mbi 38 gradë nuk do të jenë të pazakonshme. Në disa rajone, parashikohen temperatura mbi 43 gradë celcius.

Ngrohja afatgjate gjithashtu do të rrisë ndjeshëm rrezikun e zjarreve në pyje - veçanërisht në vendet perëndimore dhe në Evropën Qendrore. Veriu i Portugalisë, Spanja veriore, rajoni Alpin në Gjermani dhe Republika Çeke janë në rrezik.

Në rajonin e Ballkanit na presin stuhi të mëdha me erëra të forta, breshër dhe shi.

Ndërsa Skandinavia mund të marrë frymë lirshëm, pasi parashikohet një verë normale./BS

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...