Vuçiq për asociacionin serb fajëson SHBA dhe BE-në

Lajme

Vuçiq për asociacionin serb fajëson SHBA dhe BE-në

Më: 27 maj 2019 Në ora: 18:23
Aleksandar Vuçiq

Presidenti Aleksandar Vuçiq, në fjalimin e tij në Kuvendin e Serbisë, ka drejtuar kritika të ashpra ndaj, siç u shpreh, fuqive evropiane dhe SHBA, për mos formimin e asociacionit me shumicë serb, i cili sipas tij është obligimi i vetëm i shqiptarëve nga marrëveshja e Brukselit.

"Obligimin e vetëm që kishin, nuk e kanë përmbushur, pasi dikush nuk i ka lejuar ta përmbushin. Për këtë, fuqitë evropiane dhe SHBA iu kanë thënë – ju e keni të lejuar të mos e përmbushni”, tha Vuçiq në seancën parlamentare kushtuar Kosovës.

Ai ka shtuar se askush nga bashkësia ndërkombëtare nuk ka reaguar as ndaj paralajmërimeve për ‘formimin e Shqipërisë së Madhe”.

“Sikur dikush nga ne të përmendim Republikën Serbe, thënë në mënyrë metaforike, do të na varnin në Bruksel”, u shpreh Vuçiq.

commentFirst article
Sot mund të lexoni Shfletoni kopertinat