Deklaratat e kryeministres së Serbisë Ana Brnabiq e cila ofendoi kosovarët duke thënë se ‘ kemi punë me njerëz të cilët faktikisht kanë dalë nga mali’ përveç njerëzve të politikës dhe shoqërisë civile kanë zgjuar reagimin edhe të artistëve.
Këngëtarja shqiptare Aurela Gaçe kësaj deklarate i është përgjigjur me një citat të Gjergj Fishtës.
Kur sllavët erdhën nga shpellat e Uralit, shqiptarët kishin kryer ciklin dymijë vjeçar të qytetërimit të lashtë”, ishte citati i Gjergj Fishtës, të cilin këngëtarja e publikoi në Instagram, duke vazhduar më tej se as nuk duhet të merremi me të.
“Kot po i kthejmë një përgjigje kësaj. Ne fakt as duhet te merremi fare me te, po hajt, meqë na përmendi, t’ja kthejmë me të vërtetë historike”, përfundoi Gaçe.
