Deputeti i Kuvendit të Kosovës, Ilir Deda, në një deklaratë publike, ka thënë se Shqipëria mund ta fillojë procesin e anëtarësimit në BE, shkruan “Bota sot”.
Por, sipas tij, Shqipëria e kapur nga mafia, në prag të konfliktit të brendshmëm, do ta merr ne qafë edhe veten edhe të gjithë popullin shqiptar.
Postimi plotë i Ilir Dedës:
Shqipëria sivjet ende mund ta fillojë procesin e anëtarësimit në BE.
Shqipëria në vitin 2020 e kryeson OSBE-në.
Shqipëria mund të njihet dhe të jetë vend i jashtëzakonshëm i Evropës Juglindore, e me këtë edhe t’i ndihmojë të gjithë shqiptarët.
Por, Shqipëria që njihet si “narko-shtet”, e kapur nga mafia, në prag të konfliktit të brendshmëm, do ta merr ne qafë edhe veten edhe të gjithë popullin shqiptar.
Marrëzia e politikës në Shqipëri duhet të përfundojë sa më parë. Kosova mund të ndihmonte po mos të ishte vetë në gjendje katastrofale.
Është prioritet nacional gjetja e rrugës dhe zgjidhjes për parandalimin e katastrofës kombëtare dhe humnerës ku mund të na dërgojë të gjithëve përshkallëzimi i situatës në Shqipëri.
Kjo bëhet vetëm duke respektuar rregullat bazike të një vendi të lirë e demokratik, ku kompromisi politik është vlerë. Zgjidhje me siguri që nuk është kokëfortësia për mbajtje të zgjedhjeve me 30 qershor, apo kallja e shkollave.
