Anëtari serb i Partisë Demokratike të Kosovës, Bojan Bozovic, ka dalë në mbështetje të zyrtarëve serb e mediave propaganduese të Beogradit zyrtar, të cilat kanë raportuar për “krizë humanitare” në veri të vendit.
Anëtari i PDK-së ka thënë se kjo nuk është politikë por siç shprehet ai, realitet.
Ndër të tjera Brozovic ka shkruar se shumica e njerëzve do të jenë të uritur për të paktën dy ditë.
“Kjo nuk është politika, ky është realiteti. Shumica e njerëzve do të jenë të uritur për të paktën dy ditë. Politikanët dhe kriminelët u siguruan jo vetëm për dy ditë, por për dy jetë dhe qytetarët janë viktima”, ka shkruar ai.