Kryetari i Këshillit Kombëtar Shqiptar në Luginën e Preshevës, Ragmi Mustafa, ka paditur ministrit të Mbrojtjes të Serbisë, Aleksandar Vulin, për gjuhë të urrejtjes kundër shqiptarëve.
Mustafa tha se padinë e ka ngritur më 25 qershor në Gjykatën e Lartë në Beograd, pasi Vulin, disa herë, “i ka quajtur publikisht shqiptarët ‘shiptari'” dhe atë “me ton përbuzës”.
Siç tha Mustafa, për Këshillin Kombëtar Shqiptar është e papranueshme që gjuha e urrejtjes, me të cilën ofendohet një pakicë dhe e cila vjen nga një ministër i Mbrojtjes, të konsiderohet si qasje individuale.
“Ky mentalitet flet për Qeverinë e sotme të Serbisë dhe për Serbinë zyrtare. Respekti për minoritetet është edhe detyrim ligjor dhe kushtetues i Qeverisë dhe respektimi dhe pranimi i tjetrit është parakusht për një shoqëri demokratike”, tha Mustafa për agjencinë serbe të lajmeve Beta.
