Ministri i Punëve të Jashtme, Ivica Daçiq për vendimin e Prishtinës që të ndaloj hyrjen e zyrtarëve serbë ka theksuar se kjo është “një flakaresh BE-së dhe jo Beogradit”, shkruan “Novosti” përcjell “Bota Sot”.
Kjo që ka bërë pushteti i Prishtinës është hap i pa presedan dhe një tjetër flakaresh jo Beogradit po para së gjithave BE-së dhe bashkësisë ndërkombëtare, që turpshëm heshtë në shkeljen e të gjithë normave civilizuese që me vjet po realizohen nga Ramush Haradinaj dhe Hashim Thaçi. Pasi që popullin tonë në Kosovë e kanë lënë pa barna dhe bukë duke mbrojtur taksat e marra, me këtë ndalim praktikisht duan edhe më shumë të izolojnë serbët nga çdo ndikim i Beogradit.
Kështu ka komentuar nënkryetari i qeverisë dhe shefi I diplomacisë Daçiq vendimin e Prishtinës për ndalimin e vizitave të zyrtarëve serbë në Kosovë, ndërkohë që ka thënë se edhe termini për këtë hap nuk është i rastësishëm.
“Çdo gjë që kanë bërë vetëm dy ditë pas nënshkrimit të marrëveshjes mes Kosovës dhe Shqipërisë ku palët obligohen të udhëheqin një politikë unike të jashtme. Kjo marrëveshje është armature e themelit të “Shqipërisë së Madhe” që pa pengesa po muroset në zemër të Evropës, ndërkohë që në të njëjtën kojë zyrtarëve serbë iu ndalohet të lëvizin në territorin e shtetit të vetë”.
