Kryeimami i Pejës, Enes Goga, i cili ishte akuzuar për terrorizëm nga Gjykata Themelore e Prishtinës, është intervistuar sot nga hetuesit policorë në stacionin e Policisë në Pejë.
Merret vesh se imami nga Peja po akuzohet për falsifikim të dokumenteve, mashtrim dhe keqpërdorim të detyrës zyrtare pas një denoncimi nga ish-imami Zyhdi Hajzeri.
E gjithë ky sherr mes ish-imamit Hajzeri dhe kryeimamit të Pejës Enes Goga, po ndodhë për ndarjen e territoreve të xhamive në Peje.
Sherri ka filluar në nëntor të vitit të kaluar, kur Bashkësia Islame filloi ndarjen e territoreve të xhamive dhe përcaktimin e xhematit së cilës xhami i takojnë.
Enes Goga ishte akuzuar më parë nga Gjykata Themlore për veprat që lidheshin me terrorizmin, por ai ishte shpallur i pafajshëm.