Në vend të autostradës në Dukagjin, deputeti propozon dhjetë investime tjera - Bota Sot
Në vend të autostradës në Dukagjin, deputeti propozon dhjetë investime tjera

Lajme

Në vend të autostradës në Dukagjin, deputeti propozon dhjetë investime tjera

Nga: A.H Më: 18 korrik 2019 Në ora: 14:48
Foto

Deputeti nga radhët e LDK-së, Haxhi Avdyli, ka propozuar dhjetë investime të tjera që mund të bëhen në vend të autostradës së Dukagjinit, shkruan Bota sot. 

Në postimin e tij në Facebook ka dhënë ''këshilla pa pagesë për kryeministrin dhe tenderuesit.''

Më poshtë ndiqeni postimin e plotë:

''Çka kishim mund të bëjmë me 1.000.000.000 € të autostradës për Dukagjinin?

Disa këshilla pa pagesë për Ramush Haradinaj dhe bashkëmendimtarëve të tij tenderues e asfaltues:

1. 200 milionë për rrugën ekzistuese duke zgjeruar, duke e bërë me 4 korsi.

2. Nga 50 milion për Universitetet e Dukagjinit, Pejë, Gjakovë, Prizren e tëra 150 mil.

3. Nga 50 milion për 3 spitalet rajonale të Dukagjinit. Asnjëri Spital nuk ka Rezonancë magnetike që kushton vetëm më së shumti 1 milion € dhe shumtën rasteve bëhet privat në Prishtinë që kushton 150€. Asnjë spital s’ka shërbim kardiologjisë invasive, s’kanë shumë shërbime emergjente që shpëtojnë jetë. Ka mungesa barnash e pajisjesh elementare.

4. Si rajon bujqësor 100 milion kishim dhënë për subvencionim për sera, blerje pajisjesh bujqësore, hapje te minifabrikave përpunuese etj.

5. Universiteti bujqësor me bursa për studentë 10 milionë.

6. Zhvillimin e ndërmarrjeve të vogla , përkrahjen e bizneseve te reja për te rinjtë 50 milionë.

7. Familjeve të varfra e pa shtëpi s’do kishte në Dukagjin me vetëm 20 milionë.

8. E kishim ble edhe një helikopter për çdo urgjencë mjekësore apo për nevoja tjera kushton me se shumti 2 milionë.

9. Me 70 milionë kishim ndërtuar çerdhe edhe ne fshatra dhe kishim përmirësuar infrastrukturën shkollore në çdo shkollë.

10. Me ato afër 250 milion që na kishin tepruar nga 1 miliard pasi ti kishim bërë krejt këto punë për Dukagjinin tonë që e duam jo vetëm për vota, ia kishim krijuar bazat për SIGURIME SHENDETESORE për krejt banorët e Kosovës.''

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...