Shefi i Shtabit të Ushtrisë Serbe, gjenerali Milan Mojsilovic, ka deklaruar se ushtria e Rusisë po e mbështet ushtrinë e Serbisë në të gjitha sfidat që ka me Kosovën.
Mojsilovic ka thënë se Kosova po rrezikon situatën e sigurisë në rajon me veprimet që po i ndërmerr që disa herë, ai tha se janë duke shikuar me kujdes këto veprime.
”Lëvizjet e njëanshme të Prishtinës po rrezikonin situatën e sigurisë”, ka thënë Mojsilovic për Novostin.
Gjenerali serb ka thënë se ata nuk do të lejojnë që serbëve në Kosovë t’i ndodhë diçka, madje për këtë kanë edhe ndihmën e ushtrisë së Rusisë.
Mojsiloviq, i cili ishte për një vizitë zyrtare me kolegët e tij në Moskë, i tha Novostit se ata kishin analizuar posaçërisht situatën në Kosovë.
