Është publikuar fotografia e Fehmi Gashit, të dyshuarit për vjedhje në një shtëpi në Shtime.
Fotoja është publikuar nga të afërmit e viktimës, një ditë pas sulmit, që la të vdekur grabitësin dhe të plagosur, pronarin e shtëpisë.
Grabitësi i dyshuari, i vrarë në Shtime, është djali i policit, Bajram Gashi, ka bërë të ditur dje Sinjali.
Fehmi B. Gashi, dje në orët e hershme të mëngjesit, dyshohet se kishte hyrë për ta grabitur në një shtëpi në Shtime. Më këtë rast, ai është përballur me pronarin e shtëpisë dhe vëllain e pronarit me ç`rast ka gjetur vdekjen. Gjatë kësaj përleshjeje ka mbetur i plagosur edhe pronari i shtëpisë A. Ndrecaj i cili është dërguar në mbajtje për 48 orë.
Në shtëpinë e vëllëzërve Ndrecaj dyshohet se u vodhën 24 mijë franga zvicerane. Të dyshuarit e tjerë që ndihmuan në kryerjen e kësaj vepre ndodhen në arrati.