Vendimi i Gjykatës Penale në të cilën refuzohet ekstradimi i ish ushtarit të UÇK-së, Tomor Morina në Serbi, ende nuk ka arritur në Gjykatën e Larta.
Nga Gjykata e Lartë, për AIM, thonë se pas arritjes të arrijë tek atom vendimi do të dërgohet për mendim në Prokurorinë Publike. Sipas procedurës ligjore, pasi të merret mendimi i Prokurorisë e kthen lëndën në Gjykatën e Lartë ku do të vendoset nga këshilli i pesë gjykatësve në afat të caktuar nga Gjykata Penale.
Këshilli Gjyqësor pranë Gjykatës Themelore Shkup dje mori vendim se nuk janë përmbushur kushtet për ekstradimin e Tomor Morinës në Serbi.
“Duke vepruar me kërkesë të Ministrisë së Drejtësisë të RMV-së, dhe pas shqyrtimit të gjithë dokumentacionit në kërkesë, si dhe duke vlerësuar praktikën e deritashme gjyqësore dhe të drejtën ndërkombëtare, u morr vendimi se nuk janë përmbushur kushtet për ekstradimin e personit në në Republikën e Serbisë së kërkues për ekstradim”, njoftojnë nga gjykata.
Paraburgimi për ish ushtarin e UÇK-së do të vazhdojë të vlejë deri në vendim përfundimtar të Gjykatës së Lartë.
