Këshilltarët e bashkisë Tuz në Mal të Zi mbështetën njëzëri propozimin për ngritjen e një memoriali për kryetrimin shqiptar Gjergj Kastriot-Skënderbeu në një shkollë në Zatrijepce, e cila mban emrin e tij.
Kjo u vendos unanimisht nga këshilltarët e Asamblesë Komunale të Tuzit, të cilët diskutuan propozimin me iniciativën e kryetarit të komunës, Nik Xheloshaj.
"Ne kemi kaluar të gjitha procedurat e kërkuara me ligj, kemi miratuar projektvendimin dhe kemi marrë një mendim pozitiv nga Ministria e Kulturës dhe tani do t’i nxjerrim një vendim shkollës fillore se mund të ngritet ky monument, gjë që do të ndodhë deri në fund të muajit", tha Xheloshaj për TVCG.
Monumenti në bronz në formën e bustit, së bashku me bazamentin, do të jetë i lartë 260 centimetra.
"Kjo iniciativë ishte nisur vitin e kaluar. Ne respektojmë të kaluarën tonë, por gjithashtu ndërtojmë një të ardhme në atë themel", tha Xheloshaj.
Ngritja e një monumenti kushtuar Skënderbeut është paralajmëruar edhe në Ulqin.
