Qeveria e Serbisë ka miratuar draft-strategjinë kombëtare të sigurisë dhe mbrojtjes dhe në të gjitha aktet është thënë qartë përcaktimi për neutralitet ushtarak, shkruan “Novosti”, përcjell “Bota Sot”.
“Agresion të armatosur në Serbi në periudhën e ardhshme ka pak gjasa të ketë por nuk mund të përjashtohet. Shpallja e njëanshme e pavarësisë së Kosovës është e papranueshme për Serbinë dhe rrezikon vlerat dhe interesat e saj kombëtare”, thuhet në strategji.
Strategjia pritet që të miratohet në vjeshtë me çka do të përmblidhen dy dokumente me rëndësi nga fusha e sigurisë dhe mbrojtjes që do të jenë bazë për rregullore të reja në dekadën që vjen.
Rregullat për proklamimin e neutralitetit ushtarak janë ndryshimet më të mëdha të strategjisë, ku sikur edhe në strategjinë e kaluar thuhet se suksesioni i krahinës jugore është rreziku më i madh i sigurisë për Serbinë dhe shtetet e regjionit.
Në qeveri të Serbisë sqarohet se strategjitë e sigurisë dhe mbrojtjes kanë ndryshuar për shkak të ndryshimeve në përreth dhe në botë që nënkupton adaptimin e sigurisë sonë politike.
“Janë përcaktuar interesat kombëtare të shtetit dhe me këtë është sigurua siguria i të gjithë qytetarëve të saj”, thuhet në Qeveri.
Shteti në fushën e mbrojtjes dhe sigurisë vetës i ka përcaktuar katër qëllime: mbrojtje efikase, mbrojtjen e Kosovës në përbërje të Serbisë, forcimin e pozitës ndërkombëtare dhe evitimin e veprimeve separatiste.
"Serbia nuk do të pranoj shpalljen e njëanshme të pavarësisë së krahinës së saj, por në interes të stabilitetit regjional dhe raporteve më të mira shqiptaro-serbe do vazhdoj dialogun me institucionet e Prishtinës në arritjen e marrëveshjes afatgjatë të qëndrueshme dhe të pranueshme", është thënë në versionin e punës së këtij dokumenti.
Drafti i dokumentit afirmon kërkesën e Serbisë për mos zvogëlim të pranisë së KFOR-it dhe ndryshimit të mandatit dhe transformimit të FSK-së në Ushtri të Kosovës.
“Me këtë do destabilizohej situata në krahinë dhe do të shembet siguria në regjion”, thuhet ne draft.
"Serbia nuk ka qëllim të bëhet pjesë e Aleancës, as e formacioneve tjera politike, por me të gjithë partnerët dëshiron të avancoj besimin” thuhet në këtë dokument.
