Deputetja e Aleancës për Ardhmërinë e Kosovës Donika Kadaj-Bujupi, ka uruar qytetarët me rastin e festës së Kurban Bajramit.
Ajo këtë festë e ka uruar ndryshe, duke publikuar një fotografi familjare, ku shihet së bashku me nënën e saj, përcjell Bota sot.
Kadaj-Bujupi ka treguar se nëna e saj po përgatit drekën e Kurban Bajramit, por ajo nuk po i ndihmon në gatim.
“Bashkë me Nanën edhe në këtë festë, e cila po përgatitë drekën e Kurban Bajramit. Zgjodha këtë fotografi që t’ju uroj këtë ditë, me shpresën që po kaloni çaste të këndshme dhe ndryshe nga unë, po ndihmoni të afërmit në gatimin e drekës. Urime!”, ka shkruar në Facebook deputetja e AAK-së./BS