Autoritetet e Serbisë, po vazhdojnë të shkelin të drejtat e shqiptarëve të Luginës së Preshevës.
Tash e sa kohë autoritetet serbe janë duke i larguar shqiptarët e Luginës së Preshevës nga lista e votuesve dhe duke i çregjistruar ata.
Këtë e ka konfirmuar kryetari i Komunës së Bujanocit, Shaip Kamberi.
Kamberi në këtë intervistë ka treguar se kjo më së shumti është duke u vënë re në Medvegjë dhe se një praktikë e tillë në masë të madhe është duke u zbatuar vetëm për shqiptarët nga autoritetet serbe.
Sipas tij, në lidhje me pasivizimin e vendbanimeve të shqiptarëve janë ankuar në institucionet serbe dhe ato ndërkombëtare.
