Presidenti shqiptar, Ilir Meta, ka ditë që po qëndron në Kosovë.
Ai po relaksohet duke eksploruar bjeshkët tona, derisa po promovon edhe turizmin malor.
Nga Brezovica në Bjeshkët e Sharrit, e mëngjesin e sotëm ai e nisi në Prevallë.
Madje, presidenti i Shqipërisë, po takon edhe fermerë kosovarë, duke shijuar edhe bylmetin e tyre. Në Prevallë, Meta shijoi kosin e blegtorit që mbanë emrin Bajram, duke realizuar edhe një fotografi me të dhe bashkëshorten e tij, teksa ka shkruar:
“Nëse do jepej një çmim ndërkombëtar se kush prodhon kosin më të mirë, nuk do habitesha që vendin e parë do ta fitonte Bajrami, këtu në Prevallë. Edhe pse dikur mësues, ai i është rikthyer tani traditës shekullore të familjes së tij si blegtor, duke shkëlqyer me punën dhe produktet mjaft cilësore.
I lumtur të njihja këtë njeri të mrekullueshëm”.
