Ministri i jashtëm serb Ivica Daçiq, ka deklaruar se nuk është i befasuar për emërimin e Palmer si i dërguar special i ShBA-së për Ballkan sepse edhe deri tash në një a tjetrën mënyrë ka kryer këtë punë, shkruan “Novosti”, përcjell “Bota Sot”.
Kjo është shenjë se administrata amerikane dëshiron të shtyjë procesin e dialogut mes Prishtinës dhe Beogradit duke mos ndryshuar formatin që edhe më tutje do udhëhiqet nga Brukseli.
"Emërimi është shenjë se ata duan të formalizojnë ata që flasin zakonisht, nxitja e zgjidhjes së shpejtë të kësaj çështje dhe ndërtimi i paqes dhe stabilitetit në regjion. Këtu nuk është kyçe emërimi por edhe presioni ndaj Prishtinës për heqjen e takës ", tha ai për RTS.
Daçiq ka thënë se Palmer e njeh mirë situatën në regjion, por vlerësoi se “hendikep” i tij është se shumë kohë ka qenë pjesë e Departamentit të Shtetit dhe ka sistem të përcaktuar të vlerave dhe mënyrë të mendimit “ që në një mënyrë krijon stereotip të situatës ekzistuese".
"Mendoj se është mirë të përcillet kjo linjë e administratës amerikane dhe dëshirës që të gjendet zgjidhja që do jetë e përhershme", tha Daçiq.
"A pata fl për ndryshimin e qëndrimit amerikan, a kam thënë se administrata amerikane nuk ka ndryshuar qëndrimin rreth pavarësisë së Kosovës, por kam thënë se ajo çështje nuk është kryer dhe duhet të kryhet. Pse do emërohej dikush i dërguar nëse aji çështje është e kryer?", ka pyetur ai.
Ai ka thënë se ende ka çështje që duhen harmonizuar mes Serbisë dhe ShBA-ve, por emërimi i Palmerit është shenjë se ata duan të shtyjnë procesin e bisedimeve.
"Nuk do ndryshoj formati, Brukseli do udhëheq bisedimet dhe dialogun, po disa rezultate varen nga zgjedhjet në Prishtinë. Të gjithë premtojnë heqje të taksës, po a do bëhet do shihet", porositi Daçiq.
Ai ka thënë se Palmer edhe pas emërimit do mbaj postin e zëvendës ndihmës sekretarit në Departamentin e Shtetit por do kryej edhe funksionin e të dërguarit special për Ballkan.
Funksione të njëjta kanë edhe vendet tjera si Gjermania.