Serbët e shajnë me nënë ambasadorin amerikan në Beograd

Lajme

Serbët e shajnë me nënë ambasadorin amerikan në Beograd

Më: 5 shtator 2019 Në ora: 14:48
Kyle Scott

Ambasadori i Shteteve të Bashkuara në Beograd Kyle Scott tha sot se shumë në Serbi besojnë se urrejtja për Amerikën është një punë e mirë pasi bombardohen çdo ditë me gënjeshtrat më të këqija për vendin e tij, si dhe për vendet e tjera perëndimore dhe Bashkimin Evropian.

Scott e tha këtë në Beograd në Samitin Digjital, duke paraqitur përvojën e tij në rrjetin social Twitter.

Ai shtoi se puna e tij nuk është se të gjithë e duan atë, por se ai përfaqëson SHBA në Serbi dhe se mesazhi i vendit të tij mund të dëgjohet, por theksoi se nuk është gjithmonë e lehtë apo e këndshme.

"Shumë në Serbi besojnë se urrejtja për Amerikën është një punë e mirë. Çdo ditë në Serbi bombardohet me rrenat më të këqija që kanë të bëjnë me Amerikën, vendet perëndimore dhe BE. Ky nuk është një shërbim për inteligjencën e popullit serb, dhe për shkak të kësaj, ne përballemi me sfida të ndryshme për të përcjellë mesazhin ", tha Scott.

Ai postoi një foto ku shihej duke dhuruar gjak, ndërkohë që pason një koment nga përdoruesit e rrjetit Twitter me fyerjen: "Ha m..., merrni atij 20 litra gjak!"

Përveç të tjerash, tha se komentuesit (serbë) ia shanë nënën, e urdhëruan të "shkojë në shtëpi dhe të vdesë" dhe të tjera.

Scott ka falënderuar urrejtësit e tij serbë për ta bërë atë të vlefshëm, duke përsëritur se detyra e tij ishte të shprehte qëndrimin e SHBA-së.

commentFirst article
Sot mund të lexoni Shfletoni kopertinat