Kryeministri çek bisedoi me presidentin Zeman për çështjen e tërheqjes së njohjes së Kosovës - Bota Sot
Kryeministri çek bisedoi me presidentin Zeman për çështjen e tërheqjes së njohjes së Kosovës

Lajme

Kryeministri çek bisedoi me presidentin Zeman për çështjen e tërheqjes së njohjes së Kosovës

Më: 16 shtator 2019 Në ora: 22:34
Pamje nga takimi

Kryeministri çek, Andrej Babish dëshiron të adresojë çështjen e njohjes së Kosovës me ministrin e Jashtëm, Tomas Petricek dhe me atë të Brendshëm, Jan Hamacek. Babish e tha këtë pas një takimi të rregullt që e zhvilloi me presidentin Milosh Zeman.

Zeman javën e kaluar tha se do të shohë nëse njohja e pavarësisë së Kosovës mund të tërhiqet, raportojnë mediat çeke “novinky” dhe “ceskenoviny”.

“Presidenti i është referuar një rezolute të Dhomës së Deputetëve gjatë qeverisë së Topolanekut për të mos e njohur Kosovën. Do të adresojmë këtë gjatë një takimi të koordinuar për politikë të jashtme”, tha Babishi.

Kujtojmë se kabineti i kryeministrit të atëhershëm të Çekisë, Mirek Topolanek, nuk e kishte mbështetur këtë rezolutë.

I pyetur nëse Babishi përjashton çdo ndryshim në raport me njohjen e Kosovës, ai tha: “Nuk po e them këtë. Kam diskutuar me Presidentin. Presidenti thotë se pozicioni [për njohje të Kosovës] erdhi edhe për faktin se morëm pjesë në NATO për pak kohë [gjatë luftës në Kosovë], se ishte një vendim politik, por se opinioni i tij për njohjen e Kosovës është negativ”, tha Babishi.

Ndërkaq, kujtojmë se i hapur ky sondazh do të jetë për një javë të plotë, dhe deri atëherë, ju lutem shprehuni se cili është mendimi i juaj.

Javën e kaluar, Babishi tha se nuk sheh ndonjë arsye që qeveria çeke të ndryshojë qëndrimin e saj në raport me njohjen e Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...