Presidenti i Serbisë Aleksandar Vuçiq ka takuar zyrtarët e Departamentit të Shtetit ndihmës sekretarin Filip Riker dhe të dërguarin special për Ballkan Metju Palmer.
Si është njoftuar në kumtesën e kabinetit të presidentit Vuçiq bashkëbiseduesit kanë konstatuar se Serbia dhe ShBA të intensifikojnë dialogun politik dhe bashkëpunimin ekonomik.
Ata kanë biseduar rreth mundësisë që të hiqen pengesat për vazhdimin e dialogut Prishtinë – Beograd. Vuçiq ka theksuar se Serbia është e gatshme që të kthehet në dialog pas heqjes së taksës sepse angazhohet sinqerisht në arritjen e kompromisit të qëndrueshëm të zgjidhjes së çështjes së Kosovës.
"Ky kompromis duhet të respektoj dhe marrë në konsideratë interesat e serbëve të atjeshëm dhe ruajtjen e interesave kombëtare e shtetërore të Serbis ", nënvizoi presidenti Vuçiq.
Presidenti i Serbisë dhe zyrtarët e ShBA kanë biseduar për situatën në Ballkanin Perëndimor dhe janë pajtuar se paqja dhe stabiliteti janë me rëndësi jetike për avancimin politik edhe ekonomik të gjithë regjionit thuhet në kumtesë.