SBAShK-mësimdhënësve: Votoni sipas bindjes suaj - Bota Sot
SBAShK-mësimdhënësve: Votoni sipas bindjes suaj

Lajme

SBAShK-mësimdhënësve: Votoni sipas bindjes suaj

Më: 4 tetor 2019 Në ora: 15:42
Sindikata e Bashkuar e Arsimit, Shkencës dhe Kulturës e Kosovës

Sindikata e Bashkuar e Arsimit, Shkencës dhe Kulturës e Kosovës iu ka drejtuar të punësuarve në arsim që lirshëm të dalin sa më masovikisht me 6 tetor e të votojnë sipas bindjes së tyre për subjektin a koalicionin garues që ata mendojnë se e meriton besimin e tyre, por ka apeluar që në listat e subjekteve që ata votojnë, t’u japin përparësi kandidatëve që vijnë nga sektori i arsimit, me shpresën se ata do ta respektojnë besimin e mësimdhënësve dhe do të jenë zëri i tyre në institucione dhe në parlamentin që del nga vota e 6 tetorit.

SBASHK ka thënë se vitet e kaluara kanë shënuar 5 tetorin, Ditën Botërore të Mësuesit me aktivitete nëpër shkolla e me konferenca madhështore, në të cilat pjesëmarrës kanë qenë edhe përfaqësuesit e lartë të institucioneve të Kosovës.

“Kështu do të vepronim edhe këtë vit, por ky 5 tetor ishte në momentin kur po bëhej fushatë zgjedhore dhe ne nuk donim që të ftuarit nga subjektet politike dhe institucionet t’a shfrytëzojnë momentin për të thënë diçka që do të dukej si pjesë e fushatës. Ne anëtarët e SBASHK-ut jemi pjesë e angazhimeve që do të bëhen nga kolegët tanë sindikalistë në Ballkan, Evropë e kudo në botë, për ta shënuar këtë ditë të madhe me angazhimet që të mbrohet figura e shenjtë e mësuesit. SBASHK-u iu drejtohet tani të punësuarve në arsim që lirshëm të dalin sa më masovikisht me 6 tetor e të votojnë sipas bindjes së tyre për subjektin a koalicionin garues që ata mendojnë se e meriton besimin e tyre, por apelojmë që në listat e subjekteve që ata votojnë t’u japin përparësi kandidatëve që vijnë nga sektori i arsimit, me shpresën se ata do ta respektojnë besimin e mësimdhënësve dhe do të jenë zëri i tyre në instituc ione dhe në parlamentin që del nga vota e 6 tetorit”, thuhet në komunikatën e SBAShK-ut.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...