Ish-kryetari i Komunës së Skenderajt Sami Lushtaku, ka bërë të ditur se ka vdekur kushëriri dhe bashkëluftëtari i tij, Xhafer Lushtaku.
Në një postim në Facebook, Lushtaku ka thënë se kushëririn do ta kujtojë gjithmonë si burrë të fjalës dhe të ndershëm.
Postimi i Lushtakut:
Ka ndërruar jetë kushëriri e bashkëluftëtari im Xhafer Lushtaku. Xhafa është kushëri e shok i gjeneratës sime. Duke pasur vetëm dy muaj dallim në moshë, jemi rritur me shumë sfida në Prekaz, e së bashku e kemi kaluar fëmijërinë, rininë e luftën e Ushtrisë Çlirimtare të Kosovës.
Ka qenë njeri i mirë, i drejtë e i sinqertë. Do ta kujtoj gjithmonë si burrë të fjalës e të ndershëm. SL
