Luftëtari i UÇK-së, Rexhep Ahmeti ka ndërruar jetë.
Ahmeti i cili ishte pjesëtar i Ushtrisë Çlirimtare të Kosovës, nga Zona Operative e Shalës, vazhdoi kontributin dhe angazhimin e tij edhe në liri.
Kështu e vlerëson kryeministri në detyrë Ramush Haradinaj veprën e ushtarit Ahmeti.
“Me pikëllim morëm lajmin për ndarjen nga jeta të bashkëluftëtarit tonë, Rexhep Ahmeti.
Ahmeti do të mbahet mend si luftëtar i dalluar i Zonës Operative të Shalës, që vazhdoi kontributin dhe angazhimin e tij edhe në liri, duke edukuar brezat të tërë.
Sot ndajmë dhembjen me familjarët dhe miqtë e tij, të cilët duhet të jenë të fortë dhe krenarë që jetuan me të.
Ngushëllime familjes dhe bashkëluftëtarëve!”, shkruan Haradinaj.
Profesor Ahmeti ka qenë ushtar i UÇK-së, drejtor shkolle, profesor në shkollë të mesme e poashtu ka qenë edhe i angazhuar si profesor për një kohë në Universitetin e Mitrovicës “Isa Boletini”.
Varrimi i të ndjerit do të bëhet sot me kohën e ikindisë në varrezat e dëshmorëve të lirisë në Shipol të Mitrovicës.