A u pendua Edi Rama? Mahmuti zbulon se Rama kërkoi nga Gjykata që mos ta godasin Ramush Haradinajn

Lajme

A u pendua Edi Rama? Mahmuti zbulon se Rama kërkoi nga Gjykata që mos ta godasin Ramush Haradinajn

Nga: N.Sh. Më: 20 janar 2020 Në ora: 09:51
Edi Rama

Veprimtari i çështjes kombëtare, politologu Bardhyl Mahmuti, përmes një postimi në facebook, e ka komentuar një citat të Edi Ramës të publikuar në rrjetet sociale nga Kurani.

Mahmuti pyet se a u pendua Edi Rama për shkak të veprimeve që ai i ka bë.

Sipas Mahmutit, pas arritjes së qëllimit të Edi Ramës, duket që është penduar, pasi ky i fundit ka publikuar “fjalët e shenjta” të Kuranit.

Mahmuti duke e komentuar atë, thotë se, me këtë rast Rama duket që i është drejtuar Gjykatës Themelore në Prishtinë duke i kërkuar që mos ta godasin Ramush Haradinajn pa e ditur realitetin.

Lexojeni postimin e plotë nga Bardhyl Mahmuti:

A u pendua Edi Rama?

Më 15 janar 2020, në Ditën e Përkujtimit të Gjenocidit ndaj Shqiptarëve në Kosovë, kryeministri Shqipërisë nuk tha as një fjalë të vetme për krimet që ka kryer Serbia. Përkundrazi, Edi Rama u solli një lajm qytetarëve të Kosovës: kishte bërë padi kundër Ramush Haradinajn, njeriut ndaj të cilit Serbia ka bërë vazhdimisht padi.

Pas arritjes së këtij qëllimi të ulët, duket se Edi Rama është penduar! Në vazhdën e FJALËVE TË SHENJTA që publikon në faqen e facebookut, më duket se Edi Rama, me përzgjedhjen e fjalëve të Kur’anit që ka bërë sot, i është drejtuar Gjykatës Themelore në Prishtinë dhe ka pranuar se padia e tij, që na e solli si lajm ditën e përkujtimit të tragjedisë sonë kombëtare, vjen nga një njeri i pandërgjegjshëm. Prandaj kërkon nga kjo gjykatë që të mos e godasin Ramush Haradinajn pa e ditur realitetin, e pastaj të pendohen për atë që kanë bërë.

P.S.

Ky është vetëm një variant i leximit të përzgjedhjes që ka bërë Edi Rama. Sidoqoftë, pendimi është njerëzor dhe ai falet vetëm kur pranohet sinqerisht gabimi. Në të kundërtën, ai që është i pandërgjegjshëm vazhdon me goditjet e tij!

commentFirst article
Sot mund të lexoni Shfletoni kopertinat