Ministri i Punëve të Jashtme të Turqisë, Mevlut Çavushoglu, e ka falënderuar Ministrin për Europën dhe Punët e Jashtme të Shqipërisë, Gent Cakajn, për solidaritetin që ka treguar në lidhje me tërmetin vdekjeprurës në Turqi.
Cakaj ka thënë se shteti shqiptar qëndron pranë vëllezërve turq.
Nuk ka kaluar shumë kohë dhe kryediplomati turk e ka falënderuar homologun shqiptar për solidaritetin që ka treguar.
“Vëlla, faleminderit për solidaritetin tënd!”, ka shkruar Çavushoglu në Twitter.
Kujtojmë se të paktën 14 persona kanë humbur jetën si dhe shumë të tjerë kanë marrë lëndime trupore si pasojë e një tërmeti me magnitudë 6.8 ballë që goditi pjesën juglindore të Turqisë.
