Fotografia e imamëve të Prishtinës duke e falur namazin e Bajramit me distancë sociale del në mediat britanike
Tabloidi britanik “The Sun”, ka shkruar të dielën për festimin e Fitër Bajramit nëpër botë.
Në këtë artikull është përmendur edhe kryeqyteti i Kosovës, Prishtina, ku imamët e Kosovës kanë falur namazin e Bajramit duke mbajtur distancën sociale
“Fitër Bajrami shënon fundin e muajit të Ramazanit, gjatë së cilit 1.8 miliardë myslimanë në botë agjërojnë çdo ditë nga agimi deri në perëndimin e diellit”, ka shkruar The Sun.
Ndërkohë në këtë artikull është shpërndarë një fotografi nga Xhamia e Madhe në Prishtinë, ku shihen disa imamë kosovarë duke e falur namazin e Bajramit.
